Salam gadyrdanlar! Bu gün sahypamyz size ortaça ömür indeksine göra iň ýokary görkezijilere eýe bolan halklar hakda statistiki maglumat hödürlemekçi. Halklaryň sanawyna geçmezden öň, bir iki agyz söz aýdyp geçsek kem bolmazmyka diýýäris.
Baky bolmagyň hyrydary bolan adamogly, näçe köp ýaşamak islese-de onuň bu arzuwy bu dünýäde mümkin däl. Her bir adam dogulýar, ulalýar, garraýar we ahyrynda-da ölýär. Bu kadanyň daşyna çykyp bilen şu çaka çenli ýok. Mundan soňam bolar öýdülenok dogrusy. Şeýleräk kada görä ýaşaýan ynsan, ölüm gününe çenli iň gowy şertlerde ýaşamak üçin elinde baryny edýär, hatda ömrüni şol ugurda togtadýar diysegem bolýar. Elbetde beýle şertleri döredip bilenler saglyk taýdan has berk bolup köprak ýaşamagy başarýar. Ýöne beýle şertlere eýe bolmak her adama başardyberenok. Meselem Owganystanda doglan bir çaga bilen Kanadada doglan bir çaganyň ömür ýoly düýbünden üýtgeşik. Ýa-da bolmasa Yrak, Siriýa ýaly uruş bolup duran ýurtlarda ýaşaýanlaryň ömri Daniýa ýa-da San Marinodaky adamlaryň ömrüne meňzänok. Jany beren Alla, jany aljagam Alla, ýöne şol bir wagtyň özünde ýer ýüzüne käbir şertleri goýanam Alla. Şol şertlere (tebigatyň kanunlary hem diýilýar muňa) dogry düşünmegi başaranlar bu dünýäde üstünlik gazanýarlar. Biziň bu günki temamyz nukdaýnazaryndan seretsek, ykdysady,syýasy we sosial ýagdaýlary, saglyk hyzmatlaryny, howpsuzlyk şertlerini umuman adama peýdaly bolan ähli zatlary sazlamagy başaran döwletlerde adamlaryň ortaça ömri beýlekilere garanda has uzynrak bolýar. Afrika döwletlerinde ýaşaýan adamlaryň ortaça ömri 50 ýaş töweregi bolsa, bu ýagdaý Ýewropa ýurtlarynda 80 ýaş töweregidir. Muny diňe ýokarda agzalan şertlerdäki tapawutlylyk bilen düşündirip bileris. Sözi uzadyp oturmalyňda sanaw bilen sizi tanyşdyralyň.
2015-nji ýylyň görkezijileri:
1.Monako 89.52 ýaş
2. Ýaponiýa 84.74 ýaş
3. Singapur 84.68 ýaş
4.Makau 84.51 ýaş
5.San Marino 83.24 ýaş
6.Islandiýa 82.97 ýaş
7. Gong Kong 82.86 ýaş
8.Andorra 82.72 ýaş
9.Şweýsariýa 82.50 ýaş
10.Gernsi adasy 82.47
...
157.Türkmenistan 69.78
...
222.Owganystan 50.87
223.Gwineýa-Bissau 50.23
224.Çad 49.81
Sanaw www.cia.gov saýtyndan alnan maglumatlar esasynda taýýarlanyldy.
